Sve 75…ein klein leif gebaar mót kènne, doot geer mit?

De veljer weijer aope, traine mit beleid, dat is de eesjte gunst
Gedaon mit Online Beierpreuveriekes en online WC rol-voetbalkunst
Nog ummer gein SVE-blauw-witte wedsjtrieje op ós voetbalveldj
En jaomer genóg haet Corona hun jubillee ouch oetgesjteld

De veljer zeen gruiner dan gruin, de dugouts nuuj of frischj witter dan wit
Gedaon door luuj mit leifde veur hun SVE, that’s the spirit
In dezen tied wo väöl nog neet kènt ómdat zo väöl nog neit zo mer dougt
Sjteune veer ós 75-jaorige SVE, op aafsjtèndj mit eine sjportieve knipoug

Zunjig 7 juni feliciteieren veer SVE op aafsjtèndj, doot geer ouch mit?
Zèt dan van 10:00-20:00 oer get van VOETBAL: sjoon, shirts, vlag, bal, plaetjes of get in blauw-wit
Mit of zónger ein ‘baerke’ op zunjig 6 juni aan eure roet
Zo deilt geer eur felicitaties veur SVE dan feestelik oet

Ich maak dan veur jónk en awt, dan wit geer dat,
Ein ‘ProficiatSVE75-Berenjacht-Ommetjes- Zoekblad’
Dat kènt geer ophaole biej Beer Bravo Everstraot 5 in de oranje kis
Of oetprinte vanaaf Facebook; #BerenjachtInEinighausenNL, dat lök uch ouch gewis

Dat aafsjtèndj hawte, ‘t blif ein lestig gedoons, óm dao aan te wènne
Mer ein klein leif gebaar veur ós 75-jaorig SVE, dat mót toch kènne

Proficiat allenej!